काठमाडौँ । भाटभटेनी सुपरमार्केटमा ढुसी परेको नरिवल फेला परेको छ । काठमाडौँको त्रिपुरेश्वरस्थित भाटभटेनीमा प्याक गरिएका र बिक्रीको लागि राखिएका नरिवलमा ढुसी परेको पाइएको हो ।
उपभोक्ताले गरेको उजुरीका आधारमा महानगर प्रहरीसहितको टोलीले गरेको अनुगमनका क्रममा ढुसी परेको नरिवल फेला परेको अनुगमनमा सहभागी एक महानगर प्रहरीले बताएका छन् ।
ती नगर प्रहरीका अनुसार भाटभटेनी सुपरमार्केटमा फेला परेका ढुसी परेका नरिवल खाद्य प्राविधिकको रोहरबरमा नष्ट गरिएको छ ।
दैनिक सयौँ उपभोक्ता किनमेलका लागि पुग्ने देशकै प्रतिष्ठित सुपरमार्केटमा ढुसी परेको नरिवल फेला परेपछि आवश्यक कारबाहीका लागि कृषि तथा पशुपंक्षी विभागमा पठाइएको ती नगर प्रहरीले जानकारी दिएका छन् ।
