काठमाडौँ । काठमाडौँ महानगरपालिकाले सडकमा फोहोर पानी फाल्नेलाई कारवाही गरेको छ । फोहोर पानी फालेर सडक पेटी दुर्गन्धित बनाएको भन्दै महानगरले काठमाडौँ महानगरपालिका-४ का निरज न्यौपानेलाई कारवाही गरेको हो ।
महानगर प्रहरीका अनुसार न्यौपानेलाई कारवाहीस्वरुप १५ हजार रुपैयाँ जरिवाना तिराएको छ ।
सडक, सडकपेटी, सार्वजनिक स्थान फोहोर नगर्न निर्देशन दिँदादिँदै पनि सडक पेटीमा फोहोर पानी फालेको पाइएपछि कारवाही गरिएको महानगर प्रहरीले जनाएको छ ।
पछिल्ला दिन काठमाडौँ महानगरपालिकाले जथाभावी फोहोर गर्नेलाई कारवाही गर्दै आएको छ । साथै महानगरपालिकाले जथाभावी फोहोर नफाल्न, खुल्ला स्थानमा आगो नबाल्न, जथाभावी पर्चा/पम्प्लेट नटाँस्न पनि आग्रह गरेको छ ।
प्रतिक्रिया दिनुहोस्