काठमाडौँ । नक्कली पेस्तोल देखाएर रकम असुली गर्ने एक जनालाई रौतहट प्रहरीले पक्राउ गरेको छ । इशनाथ नगरपालिका-४ मठियास्थित इलाकामा सिमा क्षेत्रका व्यक्तिसँग नक्कली पेस्तोल देखाएर रकम असुली गरेको आरोपमा प्रहरीले एक जनालाई पक्राउ गरेको हो ।
पक्राउ पर्नेमा मोतिहारी ग्राम पन्चायत खरोही-४ बस्ने बर्ष २० को अब्दुल कलाम रहेको रौतहट प्रहरी निरीक्षक राम कुमार महतोले जानकारी दिएका छन् ।
प्रहरी निरीक्षक महतोका अनुसार नक्कली चाइनिज (पेस्तोल) खलौना देखाएर सिमा क्षेत्रमा हिँडडुल गर्ने व्यक्तिलाई डर देखाई रकम माग्ने गरेका थिए । प्रहरी चौकी मठिया महुलीयाबाट खटिएको प्रहरी टोलीले नियन्त्रणमा लिएको प्रहरी निरीक्षक महतोले बताएका छन् ।
पक्राउ परेका कलामलाई म्याद थप गरी अनुसन्धान कार्य भइरहेको जिल्ला प्रहरी कार्यालय रौतहटले जनाएको छ ।
