काठमाडौँ । संयुक्त राज्य अमेरिकाले १ हजार ३ सय ६५ नेपालीलाई देशनिकाला गर्ने भएको छ ।
अमेरिकी राष्ट्रपति डोनाल्ड ट्रम्पले अवैध आप्रवासी फर्काउने कार्यकारी आदेशमा हस्ताक्षर गरेसँगै अमेरिकाले १ हजार ३ सय ६५ नेपालीहरुलाई देशनिकाला गर्न लागेको हो ।
अमेरिकाले सार्वजनिक गरेको देश निष्कासनमा परेकाहरुको सूचीअनुसार १४ लाख ४५ हजार भन्दा बढी आप्रवासीलाई संयुक्त रुपमा देशनिकाला गरिँदैछ ।
अमेरिकाले यसअघि केही अवैध आप्रवासीलाई आफ्नो देश फर्काइसकेको छ भने केहीलाई हिरासतमा राखेको छ । बाँकीलाई भने स्वदेश फर्काउने तयारी अमेरिकाले अगाडि बढाइसकेको छ ।
