काठमाडौँ । अमेरिकाको सत्ता डोनाल्ड ट्रम्पले सम्हालेपछि २० जना नेपालीहरु देश निकालामा परेका छन् । जनवरी २० देखि फेब्रुअरी ११ सम्म २० जना नेपालीहरु देश निकालामा परेका हुन् ।
अवैध आप्रवासीलाई स्वदेश फर्काउने ट्रम्पको घोषणा अनुसार नै उनीहरुलाई स्वदेश फर्काइएको अमेरिकाको अध्यागमन कार्यालयले जनाएको छ ।
यसो त अमेरिकाले देश निकाला गर्नेहरुको सूचीमा १ हजार ३ सय ६५ जना नेपालीहरुको विवरण सार्वजनिक भएको थियो । तर, यसबीचमा १ महिला र १९ जना पुरुषलाई नेपाल फर्काइदिएको छ ।
उनीहरुलाई बिना भिसा यात्रा गरेको र गलत नियतका साथ बसोबास गरेकोले स्वदेश फर्काइएको अमेरिकी अध्यागमन कार्यालयले जनाएको छ ।
