काठमाडौँ । बैंकिङ कसूर मुद्दाका फरार प्रतिवादी पक्राउ परेका छन् । पक्राउ पर्नेमा जिल्ला रसुवा उत्तरगया गाउँपालिका वडा नं ४ घर भई हाल जिल्ला काठमाडौँ तारकेश्वर नगरपालिका वडा नं ५ गोलढुङ्गा बस्ने ३७ वर्षीय ध्रुव कुमार विश्वकर्मा रहेका छन् ।

जमुना शाहीको जाहेरीले वादी नेपाल सरकार प्रतिवादी ध्रुव कुमार विश्वकर्मा भएको बैकिङ कसूर मुद्दामा एक दिन कैद र विगो तीन लाख जरिवाना गर्ने भनि सम्मानित उच्च अदालत पाटन ललितपुरबाट फैसला भएपछि उनी फरार रहेका थिए ।

काठमाडौँ उपत्यका अपराध अनुसन्धान कार्यलयबाट खटिएको प्रहरीको टोलीले विश्वकर्मालाई फागुन १२ गते काठमाडौँ महानगरपालिका वडा नं १३ कुलेश्वरबाट पक्राउ गरेको हो ।

उनलाई थप अनुसन्धान तथा आवश्यक कारवाहीको लागि सम्मानित काठमाडौँ जिल्ला अदालत बबरमहल पठाइएको प्रहरीले जनाएको छ ।