काठमाडौँ । व्यवसायी दुर्गा प्रसाईंले टोखामा ट्रकमा भेटिएको २५ करोड माओवादीको भएको आरोप लगाएका छन् । सार्वजनिक कार्यक्रममा बोल्दै प्रसाईंले यस्तो आरोप लगाएका हुन् ।
उनले काठमाडौँको टोखास्थित झोर क्षेत्रबाट ट्रकमा तस्करी गरेर चीन लैजाँदै गरेको २५ करोड २२ लाख ४५ हजार रुपैयाँ माओवादी केन्द्रको भउको दाबी गरेका छन् ।
यतिसम्म कि प्रसाईंले उक्त रकम माओवादीको भएको र माओवादी निकट तिब्बतीले लगिरहेको पनि दाबी गरेका छन् । प्रसाईंले उक्त डलर तस्करी प्रकरणमा ठूला नेताको समेत संलग्नता भएको दाबी गरेका छन् ।
प्रसाईंले उक्त रकम चीनमा लैजाने र चीनबाट अवैध रुपमा भारतमा सुन तस्करी गर्ने योजना भएको पनि बताएका छन् । हाल प्रहरीले उक्त डलर तस्करी प्रकरणमा ना १ ख १६५२ नम्बरको ट्रक चालक कुसाङ लामालाई पक्राउ गरी थप अनुसन्धानसमेत अघि बढाएको छ । उक्त रकम चीन लगिँदै गरेको खुले पनि कुन प्रयोजनका लागि लगिँदै थियो ? भन्ने अझै खुलेको छैन ।
