काठमाडौँ । अर्थमन्त्री विष्णु पौडेलले पत्रकार सम्मेलन गर्ने भएका छन् । बिहीबार आगामी आर्थिक वर्षको बजेट प्रस्तुत गरेका अर्थमन्त्री पौडेलले शुक्रबार नै पत्रकार सम्मेलन गर्न लागेका हुन् । 

पत्रकार सम्मेलन आगामी आर्थिक वर्षको बजेटमै केन्द्रित हुने बताइएको छ । पत्रकार सम्मेलन शुक्रबार दिउँसो १ बजे अर्थ मन्त्रालयको सुवर्ण हलमा हुने अर्थमन्त्रीको सचिवालयले जनाएको छ । 

बिहीबार मात्रै अर्थमन्त्री पौडेलले प्रतिनिधि सभा र राष्ट्रिय सभाको संयुक्त बैठकमा आगामी आर्थिक वर्ष २०८२ ८३ का लागि १९ खर्ब ६४ अर्ब ११ करोड रुपैयाँको बजेट सार्वजनिक गरेका थिए । 

आगामी आर्थिक वर्षको बजेट चालु आर्थिक वर्षको तुलनामा ५.५८ प्रतिशतले धेरै हो । चालु आर्थिक वर्षमा सरकारले १८ खर्ब ६० अर्ब ३० करोडको बजेट ल्याएको थियो ।