काठमाडौँ । क्षेत्रीय तनाव बढ्दै जाँदा इजरायली सेनाले आफ्नो क्षेत्र बन्द राखेपछि पश्चिम किनारका प्यालेस्टिनीहरूको दैनिक जीवन ठप्प भएको छ । शुक्रबारदेखि इजरायली सेनाले आपतकालीन अवस्था घोषणा गरेको छ । साथै पश्चिम किनारका क्षेत्रहरु पूर्ण स्तरमा बन्दको घोषणा गरेको छ ।
शहर र गाउँहरू बीचको आवागमनमा रोक लगाउने यो उपायलाई इजरायली मिडियाले इजरायल र इरान बीचको बढ्दो तनावसहित हालैका क्षेत्रीय विकासहरू पछि सावधानीपूर्वक कदमको रूपमा वर्णन गरेको छ । इजरायली प्रसारण निगमका अनुसार प्रतिबन्धहरू अर्को सूचना नभएसम्म रहनेछन् ।
अखबार येडियोथ अह्रोनोथले पश्चिम किनारका प्रमुख स्थानहरूमा थप सैन्य एकाइहरू तैनाथ गरिएको बताएको छ । इजरायली सेनाले पश्चिम किनारको उत्तरी, मध्य र दक्षिणी क्षेत्रहरूलाई जोड्ने प्रमुख सडकहरू बन्द गरेको छ । रणनीतिक स्थानहरूमा फलामका ढोकाहरू र मोबाइल चेक पोइन्टहरू राखिएको छ । जसले आवागमनमा उल्लेखनीय रूपमा प्रतिबन्ध लगाएको छ ।
अर्कोतर्फ युद्धको प्रभाव त्यहाँको आर्थिक क्षेत्रमा पनि परेको छ । सीमा बन्द हुँदा नागरिकको जनजीवनसँगै आयात, निर्यात तथा व्यापार बन्द हुँदा त्यसको सीधा असर उपभोक्ताको आर्थिक जीवनमा पर्ने देखिन्छ । विज्ञहरुका अनुसार यसको प्रभावस्वरुप सो क्षेत्रमा महँगी हालको भन्दा दोब्बरले बढ्ने दाबी गरिएको छ ।
