काठमाडौँ । युके पठाउने भन्दै रकम ठगी गर्ने एक जनालाई प्रहरीले पक्राउ गरेको छ । वैदेशिक रोजगारीका लागि युके पठाउने भन्दै रकम ठगी गरेको आरोपमा ३१ वर्षिया रमिला अधिकारीलाई प्रहरीले पक्राउ गरेको हो ।

उनलाई काठमाडौँ उपत्यका अपराध अनुसन्धान कार्यालयबाट खटिएको प्रहरी टोलीले असार ३ गते काठमाडौँ महानगरपालिका वडा नं.  ४ चण्डोलबाट पक्राउ गरेको हो । निरज कुमार थारुले दिएको जाहेरीका आधारमा उनलाई पक्राउ गरिएको प्रहरीले जनाएको छ ।

हाल उनलाई थप अनुसन्धान तथा आवश्यक कारवाहीका लागि वैदेशिक रोजगार विभाग पठाईएको प्रहरीले जनाएको छ ।