काठमाडौँ । सरकारले जङ्गली रातो बाँदर र जङ्गली बँदेललाई कृषि हानिकारक वन्यजन्तु घोषणा गरेको छ । आगामी आर्थिक वर्षको बजेटमार्फत सरकारले जङ्गली रातो बाँदर र जङ्गली बँदेललाई कृषि हानिकारक वन्यजन्तु घोषणा गरेको हो ।
जङ्गली रातो बाँदर र जङ्गली बँदेललाई कृषि हानिकारक वन्यजन्तु घोषणा गरिएको बारे वन तथा वातावरण मन्त्री ऐनबहादुर शाहीले जानकारी दिएका छन् ।
त्यस्तै, उनले आगामी आर्थिक वर्षको बजेटमा वन्यजन्तुको आक्रमणबाट भएको क्षतिको राहत दिने व्यवस्था राखिएको पनि बताएका छन् ।
वन्यजन्तुले कृषि बाली, मानवीय वा पशुधनमा क्षति पुर्याएमा सरकारले त्यसबापत किसानलाई राहत दिने मन्त्री शाहीले बताए । शाहीका अनुसार त्यसका लागि १० करोड रुपैयाँ बजेट विनियोजन गरिएको मन्त्री शाहीको भनाई छ ।
