काठमाडौँ । पर्यटकको आकर्षणको केन्द्र फेवाताल फोहोरले कुरुप बन्दै गएको छ । ड्यामसाइड क्षेत्रमा प्लास्टिकजस्ता फोहोर थुप्रिँदा तालको सौन्दर्यमा असर पुगेको हो ।
यही समस्यालाई देखेर छोरेपाटनका युवाहरु सक्रिय बनेका छन् । उनीहरूको २० जनाको समूहले फेवाताल सफा गर्न नियमित सरसफाइ अभियान चलाइरहेका छन् भने तालमा फोहोर नफाल्न सचेतना पनि बढाइरहेका छन् ।
महानगरपालिकाले फोहोर देखेर पनि कुनै चासो नराखेको उनीहरुको गुनासो छ । मनसुनको समयमा पोखराको फोहोर फिर्के खोला हुँदै फेवातालमा आइपुग्छ । यसैगरी सुक्खा समयमा फेवातालको पानी घट्दा सबै फोहोर ड्याम साइडमा जम्मा हुन्छ ।
स्थानीयको सक्रियता प्रशंसनीय भए पनि नगरपालिकाको ध्यान नपुग्नु चिन्ताको विषय बनेको छ । बाँकी तस्विरमा हेर्नुहोस्:
