काठमाडौँ । सिटी एक्सप्रेस मनि ट्रान्सफर १९औँ वर्षमा प्रवेश गरेको छ । कम्पनी असार २७ गतेदेखि १८औँ वर्ष पार गरी १९औँ वर्षमा प्रवेश गरेको हो ।

कम्पनीले वार्षिकोत्सवको अवसरमा कमलादी स्थित आफ्नै मुख्य कार्यलयमा उल्लेख्य सहभागिताका साथमा खुला रक्तदान कार्यक्रम सम्पन्न गरेको छ ।

साथै १९औँ वार्षिकोत्सवको अवसरमा कम्पनीले वर्षको उत्कृष्ट कर्मचारीहरुलाई पुरस्कृत समेत गरेको थियो । उक्त कार्यक्रममा सिटी एक्सप्रेसका ब्राण्ड एम्बेसडर तथा चर्चित हास्य कलाकार जितु नेपालको पनि उपस्थिती रहेको थियो ।

सिटी एक्सप्रेस मनि ट्रान्सफरले रेमिटान्स क्षेत्रमा आफ्नो छुट्टै पहिचान बनाउँदा बिगत १८ वर्ष देखि संसारभरबाट विप्रेषण सेवा प्रदान गर्दै आइरहेको छ । हालै सिटी एक्सप्रेस मनि ट्रान्सफरले सिटी पे वालेट मार्फत अनलाइन भुक्तानीको सेवा सुचारु गरेको छ ।