- अर्थ सरोकार सम्बाददाता
काठमाडौं । सिर्जना फाइनान्सले आर्थिक वर्ष २०७६/७७ को चौथौ त्रैमासको वित्तीय विवरण सार्वजनिक गरेको छ । सार्वजनिक गरेको विवरण अनुसार कम्पनीले १२ करोड ५१ लाख ९६ हजार रुपैयाँ खुद नाफा कमाएको छ । यो नाफा अघिल्लो वर्षको तुलनामा १७.३० प्रतिशतले कम हो । अघिल्लो वर्षको सोहि अवधिमा कम्पनीले १३ करोड १४ लाख ३ हजार रुपैयाँ नाफा कमाएको थियो ।
यस्तै, बैंकको खुद ब्याज आम्दानी बढेको छ भने सञ्चालन नाफा घटेको छ । बैंकको खुद ब्याज आम्दानी ३.६८% ले बढेर ३० करोड ९५ लाख ३७ हजार रुपैयाँ पुगेको छ । अघिल्लो वर्ष यसले २९ करोड ८५ लाख ४६ हजार रुपैयाँ खुद ब्याज आम्दानी गरेको थियो । यो समीक्षा अवधिमा सञ्चालन नाफा २२ करोड ४ लाख ७९ हजार रुपैयाँबाट घटेर १७ करोड ८८ लाख ५१ हजार रुपैयाँमा खुम्चिएको छ । बैंकको सञ्चालन नाफा १८.८८ प्रतिशतले घटेको छ ।
असार मसान्तसम्म आइपुग्दा यसको चुक्ता पुँजी ८४ करोड ७८ लाख ३८ हजार रुपैयाँ छ । जगेडा कोषमा १८ करोड ५६ लाख १० हजार रुपैयाँ रहेको छ । कम्पनीको प्रतिसेयर आम्दानी १४ रुपैयाँ ७७ पैसा रहेको छ भने प्रतिसेयर नेटवर्थ १३४ रुपैयाँ ०४ पैसा विवरणमा उल्लेख छ ।
