काठमाडौँ । आन्दोलनमा आए ‘नट अलाउड’को ब्यानर देखाउने जेनजीको घोषणापछि दुर्गा प्रसाईं अन्ततः जेनजीहरुको आन्दोलनमा नजाने भएका छन् ।
प्रसाईंले भदौ २३ गते जेनजी पुस्ताले आह्वान गरेको आन्दोलनमा जाने घोषणा गरेका थिए । प्रसाईंको उक्त घोषणापछि सामाजिक सञ्जालमार्फत जेनजीहरुले आन्दोलनमा ‘नट अलाउड’को ब्यानर देखाउने घोषणा गरेका थिए ।
त्यसपश्चात आइतबार बसेको जेनजीहरुको बैठकमै प्रसाईंले फोन गरेर आफू जेनजीको आन्दोलनमा सहभागि नहुने बताएका छन् । ‘बैठक चलिरहेकै बेला फोन आयो ।’, बैठकमा सहभागी एकजनाले भने, ‘ उहाँले म आउँदिन भाइ हो, आन्दोलन राम्रोसँग गर्नू भन्नुभएको छ ।’
