काठमाडौँ । एनआईसी एशिया बैंकका ग्राहकहरुले लण्डन ब्रिज गार्डेन रिसोर्टमा छुट पाउने भएका छन् । बैंकका ग्राहकहरुले नवलपरासीमा रहेको उक्त रिसोर्टमा छुट पाउने भएका हुन् ।
रिसोर्ट र बैंकबीच ग्राहकहरुलाई छुट दिने सम्झौता सम्पन्न भएको छ । सम्झौता अन्तर्गत बैंकका ग्राहकहरुले बर्दघाट, नवलपरासीमा रहेको उक्त रिसोर्टमा सेवा लिई डिजिटल भुक्तानी गर्दा १० प्रतिशत छुट प्राप्त गर्न सक्नेछन् ।
सो सुविधाको उपयोग गर्न ग्राहकहरुले बैंकको डेबिट कार्ड, क्रेडिट कार्ड वा प्रिपेड कार्ड प्रयोग गरी वा मोबैंक एप मार्फत भुक्तानी गर्नुपर्ने छ । उक्त रिसोर्टसँगको यस सहकार्यले ग्राहकहरुलाई छुट सुविधा उपलब्ध हुनुको साथै, मुलुकको डिजिटल भुक्तानी सेवालाई प्रवर्द्धन गरी नगदरहित कारोबारमा सहयोग पुग्ने बैंकले विश्वास लिएको छ ।
