काठमाडौँ । स्टार्टअप उद्यम कर्जा लिन चाहनेहरुलाई आवेदन दिन २१ दिनको समय दिइएको छ । उद्योगमन्त्री अनिल कुमार सिन्हाको प्रस्तावमा स्टार्टअप उद्यम कर्जा लिन चाहनेहरुलाई आवेदन दिन २१ दिनको समय दिइएको हो ।
बुधबार एक सूचना जारी गर्दै औद्योगिक व्यवसाय विकास प्रतिष्ठानले स्टार्टअप कर्जा लिन चाहनेहरुलाई सूचना प्रकाशित भएको मितिले २१ दिनभित्र आवेदन दिन भनेको छ ।
सूचना अनुसार स्टार्टअप उद्यम कर्जा सञ्चालन कार्यविधि, २०८२ (पहिलो संशोधनसहित) अनुसार नवीनतम ज्ञान, सोच, सीप र क्षमता भएका स्टार्टअप उद्यम कर्जा लिन चाहनेले २१ दिनभित्र परियोजना प्रस्ताव पेश गर्नुपर्नेछ ।
परियोजना प्रस्ताव अनलाइनमार्फत भर्न सकिनेछ भने परियोजना प्रस्तावको ढाँचा तथा विस्तृत जानकारी औद्योगिक व्यवसाय विकास प्रतिष्ठानको वेबसाइटमा हेर्न सकिनेछ ।
स्टार्टअप उद्यम गर्न चाहनेलाई स्टार्टअप उद्यमी कर्जा उपलब्ध गराउने सरकारको योजनाले मुलुकमा रोजगारी सृजना हुनुका साथै स्वयम् व्यक्ति र देश आत्मनिर्भर बन्ने विश्वास गरिएको छ । यसलाई उद्योगमन्त्री सिन्हाले विशेषगरी जेन-जी पुस्ताका लागि सुनौलो अवसरका रुपमा व्याख्यासमेत गरेका छन् ।
