काठमाडौँ । खल्ती बाई आइएमईको प्रमुख कार्यकारी अधिकृत (सिईओ)मा प्रविण रेग्मी नियुक्त भएका छन् । कम्पनीको संचालक समितिको बैठकले रेग्मीलाई आजैदेखि लागू हुने गरी आगामी ४ वर्षको लागी नियुक्त गरेको हो ।
यसअघि आइएमई डिजिटल सोलुसन लिमिटेडको सिईओका जिम्मेवारीमा कार्य गरेका रेग्मी मर्जर पश्चात खल्ती बाई आइएमई लिमिटेडको सञ्चालक समिति सदस्यका रूपमा रहि संस्थाको रणनीतिक नेतृत्वदायी भूमिकामा सक्रिय थिए ।
फिनटेक, बैंकिङ तथा डिजिटल ट्रान्सफर्मेसनको क्षेत्रमा डेढ दशकभन्दा बढीको अनुभवसहित उनले नेपालको डिजिटल भुक्तानी प्रणालीलाई आधुनिक र सक्षम बनाउन महत्वपूर्ण योगदान पुर्याउँदै आएका छन् । बढदै गएको डिजिटल कारोबार र क्यासलेस तर्फ उन्मुख नेपाली अर्थतन्त्रको सवालमा रेग्मीले उल्लेख्य भूमिका निर्वाह गर्ने पनि कम्पनीले जनाएको छ ।
यस अघि कार्यकारी अधिकृतको जिम्मेवारीमा रहेका विनय खड्का भने आफ्नो ४ वर्षे कार्यकाल सकाएर बिदा भएका छन् ।
