काठमाडौँ । व्यवसायी दुर्गा प्रसाईंले सरकारी कर्मचारीको तलब बढाउन माग गरेका छन् । प्रसाईंले सेना, प्रहरी र निजामती कर्मचारीको तलब बढाउन माग गरेका हुन् । 

प्रसाईंले अहिले भएकै तलबले सेना, प्रहरी र सरकारी कर्मचारीको जीविकासमेत नचल्ने भन्दै तलब वृद्धि गर्नुपर्ने माग गरेका छन् । प्रसाईंले सेना, प्रहरी र निजामती कर्मचारीको तलब २० हजार बढाउनुपर्ने बताएका छन् । 

‘सेना, प्रहरी जवान र निजामती कर्मचारीको तलब एक लाख भनेका थियौँ, कम्तिमा २० हजार बढाऔँ ।’, प्रसाईंले भने, ‘बिहान-बेलुका जाउलो खान पाउन् र छोराछोरीलाई पढाउन सकुन् ।’

त्यस्तै, प्रसाईंले बैंक, वित्तीय संस्था र सहकारीबाट कालोसूचीमा परेका ६ लाख ऋणीलाई कालोसूचीबाट हटाउनुपर्ने पनि माग गरेका छन् । उनले अबदेखि ऋणीका नाममा ३५ दिने सूचनासमेत नकाट्न आग्रह गरेका छन् ।