काठमाडौँ । राष्ट्रिय वाणिज्य बैंकले राष्ट्रघाती कदम सच्याएको छ । शहीद दिवसको अवसरमा बैंकले चुच्चोबिनाको नक्सा सार्वजनिक गरेर गरेको राष्ट्रघाती कदम सच्याएको हो ।

बैंकले शहीद दिवसको अवसरमा शहीदहरुप्रति श्रद्दान्जली दिँदै सार्वजनिक गरेको नेपालको नक्सासहितको पोस्टमा लिपुलेक, लिम्पियाधुरा र कालापानी जोडिएको चुच्चो नै गायब गरेको थियो । 

शहीद दिवसकै दिन बैंकले चुच्चोबिनाको नेपालको नक्सा सार्वजनिक गरेपछि चौतर्फी विरोध भएको थियो । नेपाल सरकारले नै आधिकारिता दिएको, राष्ट्र बैंकले चुच्चोसहितको नक्सा भएको मुद्रा चलनचल्तीमा ल्याइसकेको अवस्थामा बैंकले चुच्चोबिनाको नक्सा सार्वजनिक गरेको खबर अर्थ सरोकारले ब्रेक गरेको थियो । 

अर्थ सरोकारले समाचार सम्प्रेषण गरेपछि हाल बैंकले उक्त गल्ती सच्याएको छ । अहिले बैंकले सो पोष्टमा चुच्चोसहितको नक्सा राखेको छ ।