काठमाडौँ । त्रिभुवन अन्तराष्ट्रिय विमानस्थलमा सुनसहित सरसफाइ कर्मचारी पक्राउ परेका छन् । मंगलबार ४.४ ग्राम सुनसहित सरसफाइ कर्मचारी पक्राउ परेका हुन् ।

पक्राउ पर्नेमा डिकबहादुर राउत रहेको प्रहरीले जनाएको छ । 

प्रहरीका अनुसार राउत सुनगाभा सगरमाथा सर्भिस प्रालिमार्फत सफाइ गर्न खटिएका थिए । डस्टबिनको प्लास्टिकसहित फोहोर उठाएको र शंका लागेर जाँच गर्दा सुन भेटिएको प्रहरीले जनाएको छ । 

यद्यपि उक्त सुन उनले जानीजानी ल्याएको हो वा अरु कसैले ल्याएर छोडेको हो भन्ने खुलेको छैन । सो विषयमा अनुसन्धान गरिरहेको प्रहरीले जनाएको छ ।