काठमाडौँ । सर्लाहीमा एक लघुवित्त लुटिएको छ । बिहीबार दिउँसो अज्ञात समूहले लघुवित्तमा लुटपाट गरेको हो । 

जिल्ला प्रहरी कार्यालय सर्लाहीका प्रवक्ता तथा प्रहरी नायब उपरीक्षक सरोज राईले लघुवित्तमा लुटपाट भएको पुष्टि गरेका छन् । तर, लुटपाटबारे पूर्ण विवरण आइनसकेको उनले बताएका छन् । 

अर्थ सरोकारसँग कुराकानी गर्दै डिएसपी राईले लघुवित्तमा लुटपाट भएको जानकारी आएको र घटनास्थलमा प्रहरी पुगेको बताए । 

‘लघुवित्तमा लुटपाट भएको खबर पाएका छौँ । प्रहरी पुगेको छ ।’, अर्थ सरोकारसँग कुराकानी गर्दै उनले भने, ‘घटनाको विषयमा थप जानकारी आउन बाँकी छ ।’

लघुवित्तमा लुटपाट गर्ने समूहले लघुवित्तका कर्मचारीमाथि चक्कुसमेत प्रहार गरेको र केही कर्मचारी घाइते भएको बताइएको छ । हाल प्रहरीले घटनाबारे थप अनुसन्धान गरिरहेको छ । क्षतिको विवरण आउन बाँकी छ ।