काठमाडौँ । पहिचान नेपालको वार्षिकोत्सव कार्यक्रम सम्पन्न भएको छ । माघ २१ गते (बुधबार) काठमाडौँको ठमेलस्थित होटल मर्स्याङदीमा संस्थाको ७औँ वार्षिकोत्सव कार्यक्रम सम्पन्न भएको हो ।

कार्यक्रममा महिला तथा अपाङ्गता भएका बालबालिकामाथि दाइजो र बालविवाहको प्रभावको विषयमा अन्तरक्रिया तथा छलफल गरिएको थियो ।

वार्षिकोत्सव समारोहमा महिला, एकल महिला, अपाङ्गता भएका व्यक्ति, मानव अधिकार आयोग, नेत्रहीन संघ, सेभ द चिल्ड्रेन लगायतका सरकारी तथा गैरसरकारी संस्थाका प्रतिनिधिहरुको उपस्थिति रहेको थियो ।

वार्षिकोत्सवकै अवसरमा ‘मधेश प्रदेशमा अपाङ्गता भएका महिला तथा बालिकामाथि दाइजो र बालविवाहको प्रभावको बुझाइ’ शीर्षकको अनुसन्धान प्रतिवेदन समेत विमोचन गरिएको छ ।