काठमाडौँ । भुजुङ्ग हाइड्रोपावरको आईपीओ बाँडफाँड भएको छ । मंगलबार बिहान कुमारी क्यापिटलको कार्यालयमा कम्पनीको आईपीओ बाँडफाँड भएको हो । 

कम्पनीले माघ १२ गते सर्वसाधारणका लागि प्रतिकित्ता १०० रुपैयाँका दरले ८ लाख ३० हजार कित्ता सेयर निष्कासन गरेको थियो । 

कम्पनीले जारी गरेको आईपीओमा २५ लाख ७९ हजार ९ सय २० जनाले कुल २ करोड ८४ लाख ४१ हजार ६ सय ८० कित्ता सेयरका लागि आवेदन दिएका थिए । त्यसमध्ये २५ लाख ३९ हजार ८ सय ९२ आवेदन स्वीकृत भएको थियो । 

आईपीओ गोलाप्रथाबाट बाँडफाँड गरिएको छ । कुल ८३ हजार आवेदकले १० कित्ताका दरले कम्पनीको सेयर पाएका छन् । आईपीओ परे/नपरेको नतिजा केही समयपछि मा हेर्न सकिनेछ ।