काठमाडौँ । खल्ती डिजिटल वालेटका सहसंस्थापक तथा निर्देशक अरविन्द साहले चुनाव जितेका छन् । प्रतिनिधि सभा सदस्यको निर्वाचनमा बारा–३ बाट उम्मेदवारी दिएका साहले चुनाव जितेका हुन् ।

उनले राष्ट्रिय स्वतन्त्र पार्टी (रास्वपा)बाट उम्मेदवारी दिएका थिए ।

१० हजार ५२ मत ल्याएका नेपाली काँग्रेसका फरमुल्लाह मंसुरलाई भारी मतले हराउँदै साह विजयी भएका हुन् । साहले बारा–३ बाट ४० हजार ६ सय ९७ मत पाएका छन् ।

बारा–३ बाट जित हासिल गरेसँगै साहले यो विजय कुनै एक व्यक्ति विजय नभएर जनताको आवाज, भरोसा र परिवर्तनप्रतिको दृढ चाहनाको विजय भएको प्रतिक्रिया दिएका छन् । पुल्चोक इन्जिनियरिङ क्याम्पसबाट कम्प्युटर इन्जिनियरिङमा स्नातक गरेका ४१ वर्षीय प्रविधि उद्यमी साहले डिजिटल सुशासन, रोजगारी सृजना र प्रविधिमार्फत कृषि तथा आर्थिक विकासलाई आफ्नो मुख्य एजेण्डा बनाएका छन् ।

यता इसेवाका संस्थापक अस्गर अलिले एमाले अध्यक्ष केपी शर्मा ओलीलाई जिताउन व्यापक सहयोग गरे पनि अन्ततः ओलीको हार भएको छ । ओली राष्ट्रिय स्वतन्त्र पार्टी (रास्वपा)का वरिष्ठ नेता बालेन्द्र शाह (बालेन)सँग भारी मतले हारेका हुन् ।