काठमाडौँ । हर्क साम्पाङको श्रम संस्कृति पार्टीले पनि खाता खोलेको छ । खोटाङमा ऐतिहासिक जित निकाल्दै साम्पाङको श्रम संस्कृति पार्टीले खाता खोलेको हो ।

खोटाङबाट श्रम संस्कृति पार्टीको माटो चुनाव चिन्ह लिएर चुनाव लडेका आरेन राई आफ्ना प्रतिद्वन्दी नेकपा एमालेका देवविक्रम राईलाई भारी मतले हराउँदै प्रतिनिधि सभा सदस्यको निर्वाचनमा विजयी भएका हुन् ।

उनले १६ हजार ६ सय १२ मत ल्याउँदा एमालेका राईले १२ हजार ७ सय १४ मत पाएका छन् । एमालेको किल्लाका रुपमा रहेको खोटाङमा श्रम संस्कृति पार्टीको जितलाई ऐतिहासिक जितका रुपमा हेरिएको छ ।