काठमाडौँ । नेपाल इन्फ्रास्टक्चर बैंक (निफ्रा)को सञ्चालक समिति सदस्य लीमा अधिकारीले राजीनामा दिएकी छिन् । राष्ट्रिय स्वतन्त्र पार्टी (रास्वपा) को समानुपातिकतर्फबाट प्रतिनिधि सभा सदस्य निर्वाचित हुने भएसँगै अधिकारीले बैंकबाट राजीनामा दिएकी हुन् ।

रास्वपाकी केन्द्रीय कोषाध्यक्ष समेत रहेकी अधिकारी गत मंसिरमा दोस्रो कार्यकालका लागि बैंक सञ्चालक समितिमा सर्वसम्मत निर्वाचित भएकी थिइन् ।

तर, प्रतिनिधि सभा सदस्य निर्वाचिन हुने भएसँगै उनले बैंकबाट बिदा लिएकी छिन् । बैंकबाट बिदा हुँदै अधिकारीले नेपालको पूर्वाधार विकासमा देखिएका अवरोधहरुको समाधान गर्न पहल गर्ने बताएकी छिन् ।