काठमाडौँ । कुवेतको मुख्य तेल प्रशोधन केन्द्रमा ड्रोन आक्रमण भएको छ । कुवेतको मुख्य तेल प्रशोधन केन्द्र ‘मिना अल-अहमदी’मा शुक्रबार आक्रमण भएको हो । 

प्रशोधन केन्द्रमा इरानी ड्रोनहरुले आक्रमण गरेको कुवेत पेट्रोलियम कर्पोरेसनले जनाएको छ । 

कर्पोरेसनका अनुसार आक्रमणबाट रिफाइनरीका केही एकाइहरूमा आगलागी भएको छ । आक्रमण लगत्तै रिफाइनरीका केही महत्वपूर्ण प्लान्टहरु तत्काल बन्द गरिएको कर्पोरेसनले जनाएको छ । 

आक्रमणबाट हालसम्म कुनै मानवीय क्षतिको विवरण भने आएको छैन । यो दुई दिनभित्र कुवेती तेल पूर्वाधारमा भएको दोस्रो ठूलो प्रहार हो ।