काठमाडौँ । श्रम संस्कृति पार्टीका अध्यक्ष हर्क साम्पाङले पहिलो संसद् बैठक नै ढिलो सुरु भएकोमा आपत्ति जनाएका छन् । प्रतिनिधि सभा बैठकमा बोल्दै साम्पाङले बैठक तोकिएको समयभन्दा ढिला सुरु भएकोमा आपत्ति जनाएका हुन् ।

उनले सबैभन्दा पहिले आफुलाई परिवर्तन गर्नुपर्ने बताएका छन् । ‘सपथ ग्रहण समारोह १२ मिनेट ४६ सेकेन्ड ढिलो सुरु भएको थियो, आज यो १६ मिनेट ५५ सेकेन्ड ढिलो भएका छौँ ।’ उनले भने, ‘ जनताले हामीलाई ढिलो गर्न पठाएका होइनन्, प्रत्यके मिनेटको महत्व यो सधनले, सरकारले र हामी सबैले बुझौँ ।’

‘नेपाली समय, नेपाली त् हो जे गरे पनि हुन्छ’ भन्ने भाष्यका कारण हामी उन्नति गर्न नसकेको उनले बताएका छन् ।

त्यस्तै, उनले अमेरिकी सहायता परियोजना एमसीसी खारेज गर्न माग गरेका छन् ।