काठमाडौँ । आइतबार सेयर लगानीकर्ता र प्रहरीबीच धकेलाधकेल भएको छ । सेयर बजार १०५ अंकले घटेपछि सिंहदरबार पुगेका सेयर लगानीकर्ता र प्रहरीबीच धकेलाधकेल भएको हो । 

बजार घटेर तनावमा परेका सेयर लगानीकर्ताहरु आइतबार दिउँसो आक्रामक शैलीमा सिंहदरबार पुगेका थिए । 

सरकारसँग प्रत्यक्ष वार्ता गर्ने र सेयर बजार सुधारबारे स्पष्ट नीति लिन दबाब दिने भन्दै सिंहदरबार पुगेका लगानीकर्तालाई प्रहरीले सिंहदरबार प्रवेश गर्न नदिएपछि धकेलाधकेलको अवस्था सृजना भएको एक लगानीकर्ताले बताएका छन् । 

सिंहदरबार प्रवेश गर्न खोज्दा रोकिएपछि लगानीकर्ता थप आक्रोशित बनेका थिए । तर, उनीहरुलाई रोक्न प्रहरीले लाठीचार्ज गर्न खोजेपछि भीड तितरबितर भएको एक लगानीकर्ताले बताएका छन् ।