काठमाडौँ । नेपाल इन्भेस्टमेन्ट मेगा बैंकको निमित्त प्रमुख कार्यकारी अधिकृत (सिइओ) को जिम्मेवारी महेश शर्मा ढकाललाई दिइएको छ ।

वैशाख ३० गते बसेको सञ्चालक समितिको बैठकले बैंकको वरिष्ठ नायब प्रमुख कार्यकारी अधिकृत पदमा कार्यरत शर्मालाई निमित्त सिइओको जिम्मेवारी दिने निर्णय गरेको हो ।

बैंकका सिइओ ज्योतिप्रकाश पाण्डे स्मार्ट टेलिकम प्रकरणमा पक्राउ परेपछि सो जिम्मेवारी ढकाललाई दिइएको बैंकले जनाएको छ ।

केहि समयपछि ढकाललाई नै फुल सिइओ दिने तयारी रहेको समेत बुझिएको छ ।