काठमाडौँ । साताको कारोबारको पहिलो दिन सोमबार सेयर बजार मापक नेप्से परिसूचक बढेको छ । सोमबार नेप्से परिसूचक २७.८५ अंकले बढेर २७८६.३५ बिन्दुमा पुगेको हो ।

नेप्सेमा कुल ३४२ कम्पनीको १ करोड ४५ लाख ४० हजार २२ कित्ता सेयर खरिद बिक्री हुँदा रू. ५ अर्ब ९८ करोडमाथिको सेयर कारोबार भएको छ । आज सबैभन्दा धेरै कारोबार आँखुखोला जलविद्युत् कम्पनी लिमिटेडको भएको छ । यस कम्पनीको ६० करोड २० लाख रुपैयाँ बराबरको कारोबार भएको छ ।

आजको बजारमा थ्रीस्टार हाइड्रोपावर लिमिटेडका लगानीकर्ताले सबैभन्दा धेरै नाफा कमाएका छन् । यस कम्पनीको सेयर मूल्य ९ प्रतिशतभन्दा धेरैले बढेको छ ।

यता, बुङ्गल हाइड्रोपावरका लगानीकर्ताले सबैभन्दा धेरै गुमाएका छन् । यस कम्पनीको सेयर मूल्य १० प्रतिशतभन्दा धेरैले घटेको छ ।