काठमाडौँ । सरकारले सुनमा विलासिता कर र हिरामा मूल्य अभिवृद्धि कर (भ्याट) खारेज गरेको छ । आगामी आर्थिक वर्षको बजेट सार्वजनिक गर्दै अर्थमन्त्री डा. स्वर्णिम वाग्लेले यस्तो घोषणा गरेका हुन् ।

अर्थमन्त्री वाग्लेले आगामी आर्थिक वर्षको बजेटमार्फत हाल सुनमा लाग्दै आएको २ प्रतिशत विलासिता कर र हिरामा लाग्दै आएको १३ प्रतिशत मूल्य अभिवृद्धि कर (भ्याट) अब नलाग्ने घोषणा गरेका छन् ।

यसअघि तत्कालीन अर्थमन्त्री विष्णु पौडेलले सुनचाँदीमा विलासिता कर र हिरामा मूल्य अभिवृद्धि कर लगाएका थिए । अब भने दुवै (सुन र हिरा) मा लाग्दै आएको कर खारेज भएको छ ।