काठमाडौँ । नेपाल इन्भेष्टमेन्ट मेगा बैंकका कर्मचारी भाष्कर जोशी पक्राउ परेका छन् । उनलाई अध्यागमनले नियन्त्रणमा लिएर सीआईबीको जिम्मा लगाएको हो ।

अध्यागमनको कालोसूचीमा रहेका उनी भारतबाट नेपाल आउँदै थिए । उनीविरुद्ध सीआईबीले सरकारी सम्पत्ति लिलाम प्रकरणमा अनुसन्धान गरिरहेको छ ।

उनलाई नियन्त्रणमा लिएर सीआईबीको जिम्मा लगाइएको प्रहरीले पुष्टी गरेको छ । प्रहरीका अनुसार उनी एयर इण्डियाको फ्लाइटबाट काठमाडौँ झर्दै थिए । अध्यागमनमा कालोसूचीमा परेको देखेपछि उनलाई नियन्त्रणमा लिएर सीआईबीलाई खबर गरिएको थियो । अहिले उनलाई सीआईबीको जिम्मा लगाईसकिएको प्रहरी प्रधान कार्यालयका सह प्रवक्ता दीप शमशेर जबराले बताए ।

बैंकका सूचना अधिकारी प्रमोद आचार्यले भने भाष्कर राज जोशी बैंककै कर्मचारी भएको तर पक्राउ बारे थाहा नभएको बताए ।