काठमाडौँ । नेपाल धितोपत्र बोर्ड (सेबोन)को अध्यक्षमा डा. गोपाल प्रसाद भट्ट नियुक्त भएका छन् । शुक्रबार बसेको मन्त्रिपरिषद बैठकले भट्टलाई बोर्डको अध्यक्षमा नियुक्त गर्ने निर्णय गरेको हो । 

भट्ट नेपाल राष्ट्र बैंकमा कार्यकारी निर्देशकबाट अवकाश प्राप्त व्यक्ति हुन् । 

यसो त बोर्डको अध्यक्ष नियुक्तिका लागि गठन गरिएको सिफारिस समितिले अध्यक्षका लागि भट्टसँगै बोर्डको पूर्व कार्यकारी निर्देशक डा. नवराज अधिकारी, वर्तमान कार्यकारी निर्देशक विनयदेव आचार्य र राष्ट्र बैंकको पूर्वका कार्यकारी निर्देशक मुकुन्द क्षेत्रीको नाम सिफारिस गरेको थियो । 

तीमध्ये सरकारले भट्टलाई बोर्डको अध्यक्षमा नियुक्त गर्ने निर्णय गरेको सरकारका प्रवक्ता तथा शिक्षामन्त्री सस्मित पोखरेलले बताएका छन् ।