काठमाडौँ । फर्स्ट माइक्रोफाइनान्स लघुवित्त वित्तीय संस्थाको खुद नाफा ७३ प्रतिशतले बढेको छ । लघुवित्तले सार्वजनिक गरेको आर्थिक वर्ष २०८२÷८३ को असार मसान्तसम्मको अपरिस्कृत वित्तीय विवरण अनुसार लघुवित्तको खुद नाफा अघिल्लो आर्थिक वर्षको तुलनामा ७३.६४ प्रतिशतले बढेको हो ।

यस अवधिमा लघुवित्तले कुल १९ करोड ७ लाख रुपैयाँ खुद नाफा कमाएको छ । जबकी लघुवित्तले अघिल्लो आर्थिक वर्षको सोही अवधिमा १० करोड ९८ लाख रुपैयाँ खुद नाफा आर्जन गरेको थियो ।

समीक्षा अवधिमा लघुवित्तको खुद ब्याज आम्दानी २१ करोड १६ लाख रुपैयाँबाट बढेर २२ करोड ७४ लाख रुपैयाँ पुगेको छ । लघुवित्तको सञ्चालन नाफा पनि १५ करोड ७६ लाख रुपैयाँबाट बढेर २७ करोड २७ लाख रुपैयाँ पुगेको छ ।

त्यस्तै, गत आर्थिक वर्षको अन्त्यसम्म लघुवित्तको वितरणयोग्य नाफा ५०.७६ प्रतिशतले बढेर १३ करोड ६१ लाख रुपैयाँ पुगेको छ । यस अवधिमा लघुवित्तको प्रतिसेयर आम्दानी (ईपीएस) ३ रुपैयाँ ४१ पैसाले बढेर १० रुपैयाँ १३ पैसा पुगेको छ ।

यस अवधिमा लघुवित्तको खराब कर्जा ३.८४ प्रतिशतबाट घटेर २.८८ प्रतिशतमा झरेको छ । त्यस्तै, समीक्षा अवधिमा लघुवित्तको ‘कस्ट अफ फन्ड्स’ ६.२२ प्रतिशतबाट घटेर ४.७५ प्रतिशतमा झरेको छ ।