काठमाडौँ । लघुवित्त पीडितहरुले आमरण अनसन सुरु गरेका छन् । सरकारले गरेको सहमति कार्यान्वयन नगरेको भन्दै आन्दोलनमा उत्रिएका लघुवित्त पीडितले मंगलबारदेखि काठमाडौँमा सामूहिक आमरण अनसन सुरु गरेका हुन् । 

उनीहरुले लघुवित्त, बैंक तथा वित्तीय संस्थाबाट ऋणीमाथि भइरहेको वित्तीय शोषण, चर्को ब्याज असुली, अनावश्यक शीर्षकमा गरिने हर्जना र विविध शुल्क खारेज गर्नुपर्ने माग गरेका छन् । 

विगतका सरकारले गरेका सहमति कार्यान्वयन नभएको र वर्तमान सरकारले सहमति कार्यान्वयनमा चासो नदेखाएको भन्दै अनसन सुरु गरेको लघुवित्त वित्तीय शोषणविरुद्धको संघर्ष समितिका संयोजक मनिराम ज्ञवालीले बताएका छन् । 

मंगलबारदेखि सामूहिक आमरण अनसन सुरु गरेको भन्दै ज्ञवालीले माग पूरा नभएसम्म अनसन नतोड्ने बताएका छन् ।