काठमाडौँ । विराटनगरका उद्योगी प्रकाश मुन्दडाको घरमा प्रहरीले छापा मारेको छ । उनको घर र अफिसमा प्रहरीले सोमबार बिहान ४ बजेदेखि घेराउ गरेर छापा मारेको हो । 

अवैध कारोबार र कर छलीको आशंकामा मुन्दडाको घरमा छापा मारेको प्रहरीले जनाएको छ । 

देवनरा समूहले बाबा आयल र हाइलाइफ चप्पल उद्योग सञ्चालन गरिरहेको छ । उक्त समूहले मुख्य रुपमा चाँदीको कारोबार गर्दै आएको छ ।

मुन्दडा नेपाल उद्योग परिसंघ कोशी प्रदेशका उपाध्यक्ष समेत हुन् ।