काठमाडौँ । अमेरिकाको सरकारी ऋण ४० ट्रिलियन डलर नाघेको छ । ट्रेजरी विभागका अनुसार अमेरिकाको कुल सरकारी ऋण पहिलोपटक ४०.०४७ ट्रिलियन डलर पुगेको हो ।

अमेरिकाको कुल ऋणमध्ये ३२.२६६ ट्रिलियन डलर ऋण सर्वसाधारण तथा लगानीकर्तासँग रहेको ट्रेजरी ऋणपत्र र ७.७८२ ट्रिलियन डलर सरहकारी निकायबीचको ऋण भएको विभागले जनाएको छ । 

अमेरिकाको ऋण ह्वात्तै बढेपछि बजेट निगरानी गर्ने संस्थाहरुले चिन्ता व्यक्त गरेका छन् । ती संस्थाहरुले तत्काल कदम नचाले अमेरिकामा गम्भीर वित्तीय संकट निम्तिन सक्ने भन्दै ध्यानाकर्षण समेत गराएका छन् ।

यसो त डोनाल्ड ट्रम्प पहिलो पटक राष्ट्रपति हुँदा अमेरिकाको ऋण सन् २०१७ मा १९.९५ ट्रिलियन डलर रहेको थियो । सो अनुसार उनी दोस्रो पटक राष्ट्रपति हुँदा अमेरिकाको सरकारी ऋण दोब्बर बढी हो ।