एजेन्सी । केहि समय अगाडी एस बैंक टाँट पल्टियो । लाखौँ लगानीकर्ताले लाइनमै बसेर पैसा निकाले । यसैबीच ६२ वर्षभन्दा पुरानो लक्ष्मी विलास बैंकमा अहिले आएर एस बैंकमा जस्तै संकट देखा पर्न थालेको छ । सन् १९५८ मा स्थापना भएको लक्ष्मी विलास बैंकको क्यापिटल एडिक्वसी भारतीय रिजर्व बैंकले तोकेको मापदण्डभन्दा धेरै तल आइसकेको भारतीय सञ्चारमाध्यमले जनाएका छन् । यसले यो बैंक पनि एस बैंककै बाटोमा लागेको तर्क भारतीय सञ्चारमाध्यमहरुको छ ।
भारतीय सञ्चारमाध्यमहरुका अनुसार लक्ष्मी विलास बैंकको ९ प्रतिशत हुन पर्ने क्यापिटल एडिक्वासी ३.४६ प्रतिशतमा झरेको छ । क्यापिटल एडिक्वारी(सीएआर) मापन आफ्नो तरिका हुन्छ । सीएआर कम हुँदै गएमा बैंकले नयाँ ऋण दिन वा नयाँ शाखा खोल्न समेत पाउने छैन । भारतीय केन्द्रीय बैंकले बैंकले कडा कारबाहि गर्दै प्राम्प्ट करेन्टिव एक्सन(पीसीए) फ्रेमवर्कमा हालेको थियो ।
जुन बैंकको आम्दानी छैन, खराब कर्जा बढिरहेको छ भने भारतीय केन्द्रीय बैंकले पीसीएमा राख्ने गरेको छ । यसभन्दा पहिला लक्ष्मी विलास बैंक र इडियाबुल्स हाउजिङ फाइनान्ससँगको मर्ज समेत रद्द गरिदिएको थियो । हाल लक्ष्मी विलास बैंकका ५६९ वटा शाखा, १०४६ वटा एटिएम र इडियाबुल्स हाउजिङ फाइनान्सका २२० वटा शाखा रहेका छन ।
