">
- अर्थ सरोकार सम्बाददाता
काठमाडौँ । साताको कारोबारको दोस्रो दिन सोमबार नेप्से सामान्य अंकले घटेको छ । आइतबारको तुलनामा नेप्से १२.३२ अंकले घटेर २६५२.७५ बिन्दुमा पुगेको छ । नेपाल स्टक एक्सचेन्ज (नेप्से) का अनुसार आज २१६ कम्पनीको १ करोड ५९ लाख ८ हजार ४९९ कित्ता सेयर खरिद बिक्री हुँदा ७ अर्ब ५२ करोडमाथिको कारोबार भएको छ । यता विश्लेषक भने आजको करेक्सन सामान्य रहेकाले लगानीकर्तालाई नआत्तिन आग्रह गरेका छन् ।
आज सबैभन्दा बढी कारोबार अपि हाइड्रोपावरको भएको छ । यस कम्पनीको ३९ करोड ३५ लाखमाथिको कारोबार भएको छ । त्यसपछि कारोबार क्रमश: नेपाल पुनर्बिमा कम्पनी र ग्रामिण विकास लघुवित्तको भएको छ । आज २ वटा समूह बहेकका अन्य सबै समूह घटेका छन् । यस्तै आज सबैभन्दा धेरै नेशनल माइक्रोफाइनान्सका लगानीकर्ताले कमाएका छन् भने हिमालयन उर्जा विकास कम्पनीका लगानीकर्ताले सबैभन्दा बढी गुमाएका छन्
