काठमाडौं – प्रभु बैंक लिमिटेडले मंसिर ६ गते वार्षिक साधारण सभा बोलाएको छ । बैंकले लाभांश वितरण गर्ने मुख्य एजेन्डासहित वार्षिक साधारण सभा बोलाएको हो । बैंकले १६% बोनस सेयर र कर तिर्न ०.८४२% नगद लाभांश वितरण गर्ने लागेको हो । प्रभुले सेयर संरचना परिवर्तन गरी संस्थापक र सर्वसाधारण हिस्सा ५१ः४९ अनुपात कायम गर्ने प्रस्ताव पनि साधारणसभामा लैजाने भएको छ ।
यस्तै बैंकले साधारण सभा गर्न कात्तिक २६ गतेदेखि बुक क्लोज गर्ने भएको छ भने कात्तिक २५ गतेसम्म कायम रहने सेयरधनी मात्र साधारण सभामा भाग लिन र प्रस्तावित लाभांश दाबी गर्न पाउनेछन् । बैंकले ८ अर्ब ८९ करोड २६ लाख ७४ हजार ७०६ रुपैयाँ चुक्ता पुँजीमा १६% बोनस सेयर लाभांशको रुपमा वितरण गर्न लागेको हो । बोनस वितरणपछि पुँजी १० अर्ब ३१ करोड ५५ लाख २ हजार रुपैयाँ पुग्नेछ ।
साधारण सभामा प्रभुले सेयर ब्रोकरको काम गर्न सहायक कम्पनी स्थापना तथा सञ्चालन गर्ने व्यवस्था थप गरी प्रबन्धपत्र संशोधन गर्ने प्रस्ताव पनि लैजानेछ । सभा बैंकको केन्द्रीय कार्यालय बबरमहल, काठमाडौंमा अपराह्न २ बजे सुरु हुनेछ ।
