काठमाडौं – नेपाल इन्स्योरेन्सले १ लाख ४७ हजार १०३.०८ कित्ता सेयर लिलामी सेयर बाँडफाँड भएको छ । उक्त सेयरको न्यूनतम मूल्य १०० रुपैयाँ तोकिएको भए पनि सोभन्दा बढी मूल्य अंकित गरी बोलकबोल गर्नुपर्ने व्यवस्था रहेको थियो ।
सो बमोजिम संस्थापकतर्फ रू. १६७.११ र सर्वसाधारणतर्फ रू. ३५६ सम्म मूल्य राखी आवेदन पेश गर्ने आवेदकलाई शेयर बाँडफाँड गरिएको छ । कम्पनीले सर्वसाधारणतर्फको १ लाख ४४ हजार ५९१.३५ कित्ता र संस्थापक तर्फको २ हजार ५११.७३ कित्ता शेयर लिलामीमा विक्री खुला गरेको थियो । बाँडफाँडपछि शेयर नपरेको रकम आजदेखि आवेदकको खातामा जानेछ ।
