काठमाडौं – आरम्भ माइक्रोफाइनान्स वित्तीय संस्थाले चालु आर्थिक वर्षको तेस्रो त्रैमासको वित्तीय विवरण सार्वजनिक गरेको छ । सार्वजनिक गरेको विवरण अनुसार संस्थाको खुद नाफा २९०.७७% ले वृद्धि भएको छ । गत वर्षको यसै अवधिमा १९ लाख ६२ हजार रुपैयाँ खुद नाफा कमाएको आरम्भ माइक्रोफाइनान्सले यो त्रैमासमा ७६ लाख ६७ हजार रुपैयाँ कमाउन सफल भएको छ ।
संस्थाले खुद ब्याज आम्दानी र सञ्चालन नाफा क्रमश: २२.५७% र ६५२.६२% ले वृद्धि भएको छ । संस्थाको खुद ब्याज आम्दानी २ करोड ३६ लाख ७८ हजार रुपैयाँ आर्जन गरेको छ । गत वर्ष १ करोड ९३ लाख १७ हजार रुपैयाँ ब्याज आम्दानी गरेको थियो । यता, सञ्चालन नाफामा पनि १५ लाख २६ हजार रुपैयाँबाट बढेर ८४ लाख ३३ हजार रुपैयाँ पुगेको छ । संस्थाको खुद ब्याज आम्दानी र सञ्चालक नाफा वृद्धि भएको कारणले गर्दा खुद नाफा पनि वृद्धि भएको देखिन्छ ।
यो तेश्रो त्रैमाससम्ममा संस्थाको निक्षेप १४ करोड ५८ लाख ६४ हजार रुपैयाँ संकलन गरी कर्जा ४५ करोड ७३ लाख १३ हजार रुपैयाँ प्रवाह गरेको छ । संस्थाको चुक्ता पुँजी ६ करोड रुपैयाँ रहेको छ भने जगेडा कोषमा ५१ लाख ७५ हजार रुपैयाँ जम्मा भएको छ ।
संस्थाको प्रतिसेयर आम्दानी १२ रुपैयाँ ७७ पैसा (वार्षिक) र प्रतिसेयर नेटवर्थ १०८ रुपैयाँ ६२ पैसा रहेको छ ।
