काठमाडौं – मुक्तिनाथ विकास बैंकको आर्थिक वर्षको तेस्रो त्रैसासको वित्तीय विवरण सार्वजनिक गरेको छ । सार्वजनिक गरेको विवरण अनुसार बैंकले खुद नाफा ६० करोड २० लाख ७५ हजार रुपैयाँ खुद नाफा कमाएको छ । यो नाफा गत वर्षको तुलनामा  ४०.८१% ले धेरै हो । गत वर्ष बैंकले ४२ करोड ७५ लाख ७२ हजार रुपैयाँ खुद नाफा कमाएको थियो ।

बैंकको खुद ब्याज आम्दानी ४६.२६% ले बढेर १ अर्ब २९ करोड १२ लाख ४७ हजार रुपैयाँ पुगेको छ । गत वर्ष ८८ करोड २८ लाख २८ हजार रुपैयाँ मात्र खुद ब्याज आम्दानी गरेको थियो । साथै, सञ्चालन नाफा गत वर्षको यही अवधिको तुलनामा ४१.७८% ले बढेर ९३ करोड २४ लाख ५१ हजार रुपैयाँ पुगेको छ । गत वर्ष बैंकले ६५ करोड ७६ लाख ४० हजार रुपैयाँ सञ्चालन नाफा गरेको थियो । बैंकको खुद ब्याज आम्दानी र सञ्चालन नाफा दुवै बढेको कारणले गर्दा खुद नाफा पनि बढेको देखिन्छ। 

बैंकको खराब कर्जा ०.०३% रहेको छ र प्रतिसेयर आम्दानी ४ रुपैयाँ १९ पैसाले बढेर २६ रुपैयाँ १९ पैसा पुगेको छ । गत वर्ष यही अवधिमा प्रतिसेयर आम्दानी २२ रुपैयाँ रहेको थियो । बैंकको प्रतिसेयर नेटवर्थ १३४ रुपैयाँ २३ पैसा रहेको छ ।