• अर्थ सरोकार सम्बाददाता

काठमाडौं । स्वरोजगार लघुवित्त वित्तीय संस्थाले ११ करोड २६ लाख रुपैयाँ खुद नाफा कमाएको छ । चालु आर्थिक वर्षको तेस्रो त्रैमासमा कम्पनीको नाफा ९१.६१% बढेको हो । गत वर्ष कम्पनी ५ करोड ८७ लाख रुपैयाँ मात्रै नाफा कमाएको थियो । 

कम्पनीको प्रतिसेयर आम्दानी ३६ रुपैयाँ ५२ पैसा (वार्षिक) र प्रतिसेयर नेटवर्थ १४० रुपैयाँ १९ पैसा रहेको छ । यस्तै कम्पनीको  खुद ब्याज आम्दानी ३७.५४% ले बढेर २३ करोड रुपैयाँ पुगेको छ सञ्चालन नाफा पनि ६ करोड २० लाख रुपैयाँबाट बढाएर ८ करोड ८३ लाख पुर्याएको छ ।

कम्पनीको चुक्ता पुँजी ४१ करोड ४२ लाख रुपैयाँ र जगेडा कोषमा १६ करोड ५२ लाख रुपैयाँ छ । यसअवधिमा २ अर्ब ४१ करोड रुपैयाँ निक्षेप संकलन गरेर ५ अर्ब करोड रुपैयाँ कर्जा प्रवाह गरेको छ ।