- अर्थ सरोकार सम्बाददाता
काठमाडौँ । महालक्ष्मी विकास बैंक लि. ले जिल्ला प्रहरी कार्यालय तनहुँलाई एक सय थान फ्लोरोसेन्ट ज्याकेट हस्तान्तरण गरेको छ । बैंकले आफ्नो संस्थागत सामाजिक उत्तरदायित्व अन्तर्गत उक्त फ्लोरोसेन्ट ज्याकेट हस्तान्तरण गरेको हो ।
बैंकको दमौली शाखामा आयोजित कार्यक्रममा शाखाका प्रबन्धक सुदिप न्यौपानेले प्रहरी उपरिक्षक अरुण पौडेललाई उक्त फ्लोरोसेन्ट ज्याकेट हस्तान्तरण गरेका हुन् ।
फ्लोरोसेन्ट ज्याकेट रातको समयमा टाढैबाट देखिने भएका कारण तीव्र गतिका सवारी नियन्त्रण तथा सवारी दुर्घटना रोकथाममा सहयोग पु¥याउने उद्देश्यले बैंकले ज्याकेट उपलब्ध गराएको थियो । बैंकले देशभर १०३ वटा शाखाहरुमार्फत बैंकिङ सेवा प्रदान गर्दै आइरहेको छ ।
