काठमाडौं – कैलाश विकास बैंक र ब्लू क्रस अस्पतालबीच स्वास्थ्य सेवा सम्बन्धी सम्झौता भएको छ । सम्झौतापत्रमा बैंकका तर्फबाट प्रमुख कार्यकारी अधिकृत अमृत चरण श्रेष्ठ र अस्पतालका तर्फबाट कार्यकारी व्यवस्थापन समिति सदस्य रजत श्रेष्ठले हस्ताक्षर गरेका हुन ।
सम्झौता पश्चात कैलाश विकास बैंकका ग्राहक, सेयरधनी तथा कर्मचारीहरुलाई उपचार खर्चमा ब्लू क्रस अस्पतालले छुट सुविधा प्रदान गर्ने छ ।
हाल बैंकले मुलुकभर ८२ शाखा र ३१ एटिएम मार्फत आफ्ना ग्राहकलाई बैंकिङ सेवा प्रदा नगर्दै आएको छ । निकट भविष्यमा काठमाण्डौका बिभिन्न ७ स्थान तथा देशका अन्य ठाउँहरुमा शाखा संचालन गर्ने तयारी गरिरहेको बेंकले जनाएको छ ।
