काठमाडौँ । जनकपुरदेखि अयोध्यासम्म रेल सञ्चालन गरिने भएको छ । पर्यटन प्रवर्द्धन तथा रेलमार्ग विस्तार गर्ने क्रममा जनकपुरधामदेखि अयोध्यासम्म रेल सञ्चालन गर्ने तयारी अन्तिम चरणमा पुगेको हो । 

उक्त (जनकपुरधाम-अयोध्या) रेल सेवा प्रधानमन्त्री बालेन्द्र शाह (बालेन)को भारत भ्रमणका क्रममा दुवै देशका प्रधानमन्त्रीले संयुक्त रुपमा उद्घाटन गर्नेगरी तयारी अघि बढाइएको बताइएको छ । 

नेपाल रेल्वे कम्पनीका प्रबन्ध सञ्चालक परिवेश पराजुलीका अनुसार हाल नेपाल र भारतका रेल्वे कम्पनी र भन्सार सुरक्षा अधिकारीबीच छलफल चलिरहेको छ । यद्यपि रेल सेवा उद्घाटनको मिति भने तय नभएको पराजुलीले बताएका छन् । 

प्रधानमन्त्री शाह मंसिर ६ गतेदेखि भारत भ्रमणमा जानेछन् । सोही क्रममा जनकपुरधाम-अयोध्या रेल सेवा उद्घाटन गर्ने तयारी गरिएको छ । 

रेल सेवा सञ्चालनका लागि दुई देशका सुरक्षा निकायबीच सैद्धान्तिक सहमति भइसकेको छ । सो रेल सेवा सञ्चालन भए जनकपुरधाम र अयोध्याको सांस्कृतिक तथा पर्यटन प्रवर्द्धनमा समेत ठूलो योगदान पुग्ने अपेक्षा गरिएको छ ।