">
- अर्थ सरोकार सम्बाददाता
काठमाडौँ । नेरुडे लघुवित्त वित्तीय संस्थाको सेयर रजिष्ट्रारमा आरविवि मर्चेन्ट बैंकिङ्ग लिमिटेड नियुक्त भएको छ । संस्थाको सञ्चालक समितिको निर्णय अनुसार सेयर कारोबार सम्बन्धि अभिलेख राख्ने, दाखिल खारेज, नामसारी, रोक्का राख्ने लगायत सेयरधनीहरुको लगत अद्यावधिक गरी राख्ने सम्पूर्ण कार्य गर्नको लागि आगामी साउन १ गतेदेखि लागू हुने गरि आरविवि मर्चेन्ट बैकिङ्ग लिमिटेड, टेकुलाई सेयर रजिष्ट्रार नियुक्त गरिएको हो ।
सेयर रजिष्ट्रार सम्बन्धी सम्झौता–पत्रमा असार ६ गते हस्ताक्षर गरिएको छ । उक्त सम्झौतपत्रमा नेरुडे लघुवित्त वित्तीय संस्था लिमिटेडको तर्फबाट प्रबन्ध संचालक सुधिर श्रेष्ठ र आरविवि मर्चेन्ट बैंकिङ्ग लिमिटेडको तर्फबाट प्रमुख कार्यकारी अधिकृत बद्री प्रसाद प्याकुरेलले हस्ताक्षर गरेका छन् । आरविवि मर्चेन्ट बैकिङ्ग लि. राष्ट्रिय बाणिज्य बैंक लिमिटेडको पूर्ण स्वामित्वमा रहि धितोपत्र बोर्डबाट स्वीकृत प्राप्त मर्चेन्ट बैंकर लिमिटेड हो ।
